الرئيسية
أحدث الصور
من طرف dreamman الأربعاء مايو 27, 2009 4:04 pm
وفقا لدراسة أعدها المركز القومى للبحوث الاجتماعية والجنائية بمصر فقد وصل عدد المودعين فى
مؤسسات الاحداث الحكومية حوالى (565) ألف طفل فى (27) مؤسسة لرعاية الاحداث .
يتراوح عدد الاطفال المشردين فى مصر حوالى مليونى طفل ( ولك ان تتخيل مصير هؤلاء الاطفال )
*********************************************
تبدأ احداث الفيلم فى القاهرة عام 1985
حيث يسرق ثلاثة اطفال شنطة سيدة خارجة من محل جواهرجى فيستطيع الشرطى القبض على اصغرهم
فيقوم اكبرهم بطعن الشرطى ليتم القبض عليه ويتم القاؤه فى الاحداث .
فى داخل الاصلاحية يقوم شخص بالاعتداء عليه ليقتله وتستمر الاحداث ليخرج الطفل المجرم من الاصلاحية شابا ( احمد السقا)
يخرج ليبحث عن اهله ليجدهم قد تركوا منزلهم .ليذهب الى صديقه صبحى زعيم العصابة الذى يعرض على تيتو الانضمام اليه يوافق تيتو على الانضمام
وفى اول عمليه يتم قتل صبحى ومعظم عصابته الى ان تيتو يستطيع ان يهرب ومعه شنطة الفلوس .
يأتى لتيتو اتصال تليفونى من قائد العصابة ومسيرها ليقابله تيتو ويعطيه الفلوس ليبدأ العمل معا.
تكشف الاحداث ان هذا الرجل هو ضابط شرطة كبير يترأس مجموعة من المجرمين لتنفيذ خطته فى تكوين تروة كبيرة من اموال العصابات
الذى يطاردهم لبناء قرية سياحية يشاركه فيها مجموعة من كبار رجال الدولة.
تستمر الاحداث ويقوم تيتو بالكثير من العمليات لصالح الضابط
حتى يقابل تيتو بالصدفه بفارس ( عمرو واكد ) رجل الاعمال ابن الاغنياء الذى يصاحبه تيتو.
ويتعرف تيتو من خلال فارس على نور (حنان ترك ) الذى يحبها ويريد التقرب منها
فيطلب تيتو من الظابط رمزى ( خالد صالح ) انه يريد ان يتوقف عن العمل معه وانه يريد ان يعيش حياة نظيفه
يوافق الضابط على طلب تيتو ويتركه و يشارك تيتو فارس فى مطعم الحلم لفارس
فى نفس الوقت يرعى تيتو رضا الطفل الذى وجده مرمى فى الشارع فعطف عليه وقرر ان يرعاه
يتقدم تيتو لخطبة نور وتوافق على الزواج منه الى ان يقوم احد الضباط بالنبش وراء الضابط رمزى فيطلب رمزى من تيتو
قتل هذا الضابط ولكن تيتو يرفض فيهدم رمزى المطعم لتيتو ليذهب اليه تيتو ويوافق على تنفيذ العمليه
الا انه لم يستطع تنفيذها فتيتو لم يعد قلبه ميت .
فيبدأ رمزى بتدمير حياته من خلال فضح حقيقته لنور التى تتركه عندما تعلم حقيقته .
يعطى تيتو لفارس ملف يشرح فيه كل شئ ليعطيه للظابط الشريف فى حالة وفاته
ويكتب كل ثروته لنور لترعى بها رضا. يبلغ عنه رمزى الشرطه على انه المجرم المتهم فى جميع العمليات ويصدر امر باعتقاله
ليموت تيتو فى مشهد درامى .
(فالفكرة التي يستند اليها الفيلم تقوم على تحول طفل الى مجرم بسبب الظروف
المحيطة وبسبب الجوع ثم يستخدمه ضابط فاسد ليصنع منه مجرما محترفا. الا ان
لقاءه بالصدفة مع شاب ثري (عمرو واكد) وتعرفه على عائلته يغير حياته خصوصا
مع ارتباطه بعلاقة عاطفية مع شابة (حنان ترك) تعرف عليها من خلال عائلة
صديقه الثري.ويدفعه هذا لترك العمل مع الضابط الا ان افتضاح امر الضابط لدى ضابط من
جهاز امني اخر يدفعه لاجبار الشاب على العمل ثانية بهدف قتل هذا الضابط،
ولكنه يرفض تنفيذ العملية فيعمل الضابط على تدمير حياته بفضحه امام حبيبته
التي تتخلى عنه ويهدم المطعم الذي وضع ثروته فيه ويبلغ عنه بانه المجرم
الذي تورط في قتل العشرات من المجرمين ويأمر رجاله من القوات الخاصة
بمحاصرته وقتله قبيل نهاية الفيلم.
هتعمل ايه لو كنت مكان تيتو ياترى كنت هتوافق على قتل الضابط وتريح نفسك
ولا خلاص انت نضفت ومش هتقدر تلوث ايدك بالدم من تانى.
*******************************
رمزى : احنا بنعمل ايه احنا بنأخد فلوس الحراميه بنستثمرها وبنعمل بيها مشاريع بتخدم البلد وبتقبض عليهم
رمزى: تفتكر انت لو معكش القرشين دول كنت هتعرف تبقى فى وسط الناس دى (اسرة فارس ) يا بنى مش علشان قربت من الناس دى هتبقى واحد منهم
رمزى : عايز تبقى محترم بجد الفلوس هى اللى تخليك محترم
تيتو : اسمع يا بن الناس انا عملت كل حاجه غلط ممكن تتوقعها الا حاجه واحده عمرى ما خونت واحد صاحبى
نور : الولاد دول بيصعبوا عليا أوى (اطفال الشوارع ) رضا ده لو فضل فى الشارع أكيد هيطلع مجرم بس ذنبه ايه ؟
نور : انا ابتديت احس انك مش مجرد عاوز تساعد الولد ده انت فيه حاجه عاوز تثبتها لنفسك ؟
تيتو : انا كنت عيل من العيال اللى مرميه فى الشارع بين الخرابات والاشارات والارصفه عايل ملقاش حد يقوله الحلال من الحرام
الصح من الغلط عيل من اللى انت نفسك قولتى عليهم ملهومش ذنب كلامك ده اللى شجعنى وحسسنى انك ممكن
تقبلينى اقصد يعنى تقبلى اللى واقف قدامك مش اللى فى الملف
نور : انا فعلا قولت انهم ملهومش ذنب ولازم نساعدهم ونقف جنبهم قبل ما يبقوا مجرمين بس مش معنى كدا انى اتجوز واحد منهم
تيتو : انضف قبل ما تكبر والوساخه تكبر معاك
تيتو : زمان وانا فى السجن فى حدوته قرأته اكتر من مائة مرة يا فارس يمكن مقرأتش غيرها بتحكى عن واحد عاش طول عمره يحلم بكنز موجود فى مكان
بعيد ونفسه يوصله ويوم ما وصل اكتشف ان الكنز فى الرحلة والناس اللى عرفها حبهم وحبوه
